2014_Tekk
















  • Drekktu ekki of mikið í hvert sinn.
  • Fáðu þér aðeins áfengi í tengslum við máltíðir.
  • Bjóddu upp á óáfenga drykki til jafns á við áfenga.
  • Drekktu vatn til að slökkva þorstann.
  • Slepptu áfengi á virkum dögum.
  • Settu tímamörk hvenær þú hættir að drekka, t.d. ekki áfengi eftir miðnætti.
  • Stjórnaðu áfengisneyslunni þegar þú býður til veislu. Minna er betra.
  • Svaraðu sannleikanum samkvæmt: „Nei, takk – ég hef fengið nóg!“
  • Taktu þér áfengisfrí.
  • Fáðu þér ekki áfengi vegna kvíða, leiða eða einmanaleika.
  • Neyttu áfengis að hámarki eitt kvöld í viku.
  • Þrýstu ekki á aðra að drekka áfengi.

 

Konur og karlar

Sýnt hefur verið fram á að áfengi hefur meiri áhrif á konur en karla. Konur þola u.þ.b. 30% minna af áfengi heldur en karlar (þ.e. verða drukknar af minna magni).

Ástæðurnar fyrir því eru:

  • Konur eru yfirleitt minni og léttari en karlar og sama magn af áfengi hefur mun meiri áhrif á litla manneskju en stóra.
  • Konur hafa minna vatn í líkamanum en karlar, vatnið í líkamanum þynnir út áfengið.
  • Konur hafa minna af ensími sem brýtur niður áfengi svo það hverfi úr líkamanum.