Ekki örvænta! Það er býsna algengt að fólk fái bakslag einu sinni eða oftar áður en það hættir endanlega að reykja. Það er ekki allt farið í vaskinn og ástæðulaust fyrir þig að byrja að reykja aftur. Hér koma í staðinn nokkur ráð um hvernig réttast er að halda áfram til að ná því takmarki að hætta endanlega að reykja.

  • Losaðu þig við allt tóbak ef þú átt eitthvað.
  • Segðu við sjálfa(n) þig að þetta bakslag hafi verið síðasta skiptið sem þú reyktir.
  • Ekki velta þér upp úr samviskubiti út af hrösuninni. Reyndu í staðinn að átta þig á hvers vegna þú fórst aftur að nota tóbak svo þú getir lært af öllu saman. Þá ertu betur í stakk búin(n) til að takast á við álíka uppákomu næst og þar með forðast frekari hrösun.
  • Minntu þig á að þú ert búin(n) að ákveða að hætta.
  • Leitaðu hjálpar og aðstoðar hjá þeim sem í kringum þig eru, bæði þeim sem þú hittir daglega og hjá okkur hér á heisluhegdun.is.
  • Mundu, bakslag þýðir ekki að þig vanti viljastyrk. Það þýðir heldur ekki að þú sért of háð(ur) tóbakinu til að rífa þig frá því. Bakslagið þýðir bara að þú varst ekki nógu vel undirbúin(n) til að ráða við einmitt þessa uppákomu sem fékk þig til að hrasa. Næst þegar þú lendir í sömu klípu verðurðu betur undirbúin(n).

2014_beinnvegur